Ապրիլի 28-29-ը բացահայտվել է 114 հանցագործություն. ՆԳՆ

ՆԳՆ ոստիկանությունը ներկայացրել է օպերատիվ իրավիճակը հանրապետությունում ապրիլի 28-29-ը:

Բացահայտվել է 114 հանցագործություն, որոնցից 6-ը՝ նախկինում կատարված:

Մասնավորապես, բացահայտվել է՝

• 22 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու.

• 15 դեպք՝ թմրանյութի հայտնաբերման.

• 10 դեպք՝ խարդախության.

• 8-ական դեպք՝ մարմնական վնասվածք պատճառելու ու փաստաթղթի կեղծիքի.

• 7 դեպք՝ ֆիզիկական ներգործության.

• 6-ական դեպք՝ հոգեկան ներգործության և խուլիգանության.

• 4-ական դեպք՝ անձնական ունեցվածքի գողության ու գույքը ոչնչացնելու կամ վնասելու.

• 2-ական դեպք՝ վստահված գույքի հափշտակման, հարկերը, տուրքերը կամ այլ վճարներ չվճարելու և զենք-զինամթերքի առգրավման.

• 4-ական դեպք՝ թմրանյութի իրացման ու խուլիգանության:

• 
  

Բացահայտվել են նաև սեքսուալ բնույթի բռնի գործողության, բնակարանային գողության, ծառերը, թփերը ապօրինի հատելու, ձերբակալվածների պահման վայրից փախուստի, սպանության նախապատրաստության, սառը զենքի հայտնաբերման, ինքնիրավչության, աշխատանքի պաշտպանության կանոնները խախտելու և այլ դեպքեր:

Նախկինում կատարված հանցագործություններից բացահայտվել են՝

անձնական ունեցվածքի գողության՝ 4 դեպք.մարմնական վնասվածք պատճառելու՝ 2 դեպք:

Հայտնաբերվել է 7 հետախուզվող, կամավոր ներկայացել՝ 2-ը:

Գրանցվել է զենք-զինամթերքի կամավոր հանձնման 2 դեպք։

ՃՏՊ վիճակագրությունը հետևյալն է. 

անցած 1 օրում գրանցված 8 ավտովթարի հետևանքով` 14 մարդ ստացել է տարբեր աստիճանի մարմնական վնասվածքներ։