Search
«Արմավիր» ՔԿՀ-ից բժշկական կենտրոն տեղափոխված դատապարտյալը մահացել է
- Investigative journalist
- 3 hours ago
- 1 min read
Ապրիլի 28-ին «Արմավիր» ՔԿՀ-ից «Վաղարշապատ» բժշկական կենտրոն տեղափոխված դատապարտյալը մահացել:
Այս մասին «Հայկական ժամանակ»-ի հետ զրույցում հայտնեցին Արդարադատության նախարարությունից:
«Ապրիլի 26-ին՝ ժամը 09:30-ի սահմաններում, «Արմավիր» ՔԿՀ-ի դատապարտյալ Ա. Մ.-ի առողջական վիճակի վատթարացման պատճառով շտապօգնություն է կանչվել, և վերջինս տեղափոխվել է «Վաղարշապատ» բժշկական կենտրոն:
Դատապարտյալը գտնվել է ոչ թե պատժախցում, այլ խցում և եղել է մենակ:
Դատապարտյալի առողջական վիճակի վատթարացումը հայտնաբերել է անվտանգության աշխատակիցը, որից հետո կանչվել է շտապ օգնություն, և դատապարտյալին տեղափոխել են «Վաղարշապատ» բժշկական կենտրոն»,- մանրամասնեցին նախարարությունից: