Մոսկվան պատրաստ է Թբիլիսիի հետ հարաբերությունները կարգավորել այնքանով, որքանով.... Սերգեյ Լավրով
Մոսկվան պատրաստ է Թբիլիսիի հետ հարաբերությունները կարգավորել այնքանով, որքանով պատրաստ է Վրաստանը: Այս մասին տարեվերջին ՏԱՍՍ-ին տված հարցազրույցում հայտարարել է ՌԴ ԱԳ նախարար Սերգեյ Լավրովը։
«Մենք վճռական ենք կարգավորելու ռուս-վրացական հարաբերությունները հենց այնքանով, որքանով Թբիլիսին պատրաստ է դրան»,- նշել է նա։
Լավրովը նաև ընդգծել է, որ Մոսկվան չի պատրաստվում միջամտել Վրաստանի ներքին գործերին։
2008 թվականի սեպտեմբերի 2-ին Վրաստանը խզել էր դիվանագիտական հարաբերությունները Ռուսաստանի հետ՝ Աբխազիայի և Հարավային Օսիայի անկախության ճանաչման պատճառով։ Դիվանագիտական հարաբերությունների խզմամբ Վրաստանի ԱԳՆ-ն հայտարարել էր, որ կպահպանի հյուպատոսական հարաբերությունները Ռուսաստանի Դաշնության հետ։ 2009 թվականի մարտից Թբիլիսիում Շվեյցարիայի դեսպանատանը գործում է Ռուսաստանի Դաշնության հետաքրքրությունների բաժինը, որը համալրված է Ռուսաստանի դիվանագիտական և տեխնիկական անձնակազմով: Մոսկվայում, նույնպես Շվեյցարիայի դեսպանատանը, վրացական շահերի բաժին է ձևավորվել։
