Հասանովը և Միրզոևը ստուգել են բանակի մարտական պատրաստվածությունը Հայաստանի հետ սահմանին
Ադրբեջանի պաշտպանության նախարար գեներալ-գնդապետ Զաքիր Հասանովը և պաշտպանության փոխնախարար-ցամաքային զորքերի հրամանատար, գեներալ-լեյտենանտ Հիքմեթ Միրզոևը ստուգել են Հայաստանի հետ պայմանական սահմանի ուղղությամբ տեղակայված ստորաբաժանումների մարտական պատրաստությունը։
Երկրի ՊՆ-ից հայտնել են, որ ստորաբաժանումներում բարձր մակարդակով կազմակերպվել է շուրջօրյա մարտական հերթապահություն և շարունակական ծառայություն իրականացվել՝ առօրյայի կանոններին համապատասխան։
Նշվում է, որ, հանդիպելով մարտական հերթապահություն իրականացնող անձնակազմի հետ, պաշտպանության նախարարը բարձր է գնահատել զինծառայողների մարտական և հոգեբանական պատրաստվածությունը։
«Հասանովը համապատասխան անձանց առջև դրել է կոնկրետ խնդիրներ՝ ծառայողական և մարտական գործողություններն ավելի լավ կազմակերպելու և զգոնությունը բարձրացնելու համար»,- ասվում է հաղորդագրության մեջ:
