Եթե ես պարտվեմ, Իսրայելը կդադարի գոյություն ունենալ. Թրամփ
ԱՄՆ նախագահական ընտրությունների արդյունքներն առանցքային նշանակություն կունենան Իսրայելի ապագայի համար, կարծում է Հանրապետական կուսակցությունից բարձրագույն կառավարական պաշտոնի թեկնածու Դոնալդ Թրամփը։ Այս գնահատականը նա հնչեցրել է հինգշաբթի օրը Վաշինգտոնում հակասեմականության դեմ պայքարի միջոցառմանը ելույթ ունենալիս։
«Սա ամենակարևոր ընտրություններն են Ամերիկայի պատմության մեջ, բայց նաև ամենակարևոր ընտրություններն են Իսրայելի պատմության մեջ: ԱՄՆ ընտրությունները ամենակարեւորն են Իսրայելի պատմության մեջ»,- ասել է հանրապետականը։
Միաժամանակ Թրամփը քննադատել է ԱՄՆ նախագահ Ջո Բայդենի վարչակազմին և փոխնախագահ Քամալա Հարիսին, ով Դեմոկրատական կուսակցությունից ամենաբարձր պետական պաշտոնի թեկնածուն է։ Թրամփը ևս մեկ անգամ հնչեցրել է այն ենթադրությունը, որ Գազայի հատվածում հակամարտության սրումը և ուկրաինական ճգնաժամը չէին լինի, եթե նա իշխանության լիներ Վաշինգտոնում՝ 2020 թվականի ընտրությունների արդյունքներով։
Ըստ հանրապետականի՝ Հարիսը «բացարձակապես ոչինչ չարեց, մատը մատին չտվեց»՝ պայքարելու հակասեմիտիզմի դեմ ԱՄՆ-ում՝ պաղեստինամետ բողոքի ակցիաների ֆոնին: «Եթե ես հաղթեմ, Իսրայելն ապահով կլինի, և մենք կկանգնեցնենք Ամերիկայում հակասեմիտիզմի տարածումը», - ասել է Թրամփը։ «Բայց եթե ես պարտվեմ, ուրեմն վստահ եմ, որ Իսրայելը կդադարի գոյություն ունենալ, դա չի կարելի թույլ տալ»։
Comments