Search
Թուրքիայում շուրջ 650 մարդ շաուրմայից թունավորում է ստացել
- 24timeam
- 9 hours ago
- 1 min read
Թուրքիայի Քոջաելի նահանգում հավի շաուրմայից թունավորվել է գրեթե 650 քաղաքացի, հայտնել են շրջանային իշխանությունները։
Ավելի վաղ լրատվամիջոցները հայտնել էին, որ Կորֆեզ թաղամասի շաուրմայի կետերից մեկի 300 հաճախորդ բողոքել է սրտխառնոցից և ստամոքսի ցավից։
«Թունավորման բողոքներով մարզի հիվանդանոցներ է դիմել ընդհանուր առմամբ 648 մարդ, 646-ը դուրս է գրվել, երկուսի բուժումը շարունակվում է, կյանքին վտանգ չի սպառնում»,- նշվում է հաղորդագրության մեջ։
Միջադեպի առնչությամբ երկու անձ բերման է ենթարկվել։
Ոստիկանները փակել են վաճառակետը, որտեղ շաուրմա են վաճառել։
Գյուղատնտեսության և անտառային տնտեսության մարզային վարչության մասնագետները սննդամթերքի նմուշներ են վերցրել անալիզի համար և պարզել, որ շաուրման չի համապատասխանում չափանիշներին։