«Հրապարակ». Հրաժեշտի միջոցառում՝ ոսկե մեդալով. Ինչպես են ճանապարհել «Գրիգոր Լուսավորչի» տնօրենին
- 24timeam
- 12 hours ago
- 1 min read
«Հրապարակ» թերթը գրում է. «Ինչպես գրել էինք, Ֆանարջյանի անվան ուռուցքաբանության ազգային կենտրոնի տնօրեն Նարեկ Մանուկյանն արդեն ազատվել է պաշտոնից, երեկ նրա փոխարեն ԺՊ են նշանակել Կարեն Ծառուկյանին, որը կենտրոնի օնկոուռոլոգիական բաժանմունքի վարիչն է եւ լինելու է տեղապահ, մինչեւ նոր ղեկավար գտնեն։
Իսկ «Գրիգոր Լուսավորիչ» ԲԿ-ում չնայած տնօրեն Արման Հովակիմյանն օրեր առաջ հրաժեշտ էր տվել անձնակազմին՝ ասելով, որ ապրիլի 4-ից նոր տնօրենը` Նարեկ Զեյնալյանն է իրեն փոխարինելու, սակայն երեկ հիվանդանոցից տեղեկացանք, որ Հովակիմյանը դեռ չի հեռացել, Զեյնալյանն էլ դեռ չի հայտնվել։ Այդուհանդերձ, Հովակիմյանի մերձավորները վերջինիս համար հրաժեշտի խնջույք են կազմակերպել, սեփական միջոցների հաշվին էլ ոսկե մեդալ են նվիրել շեֆին։
Ի դեպ, ասում են, որ հնարավոր է՝ այստեղ էլ ԺՊ նշանակեն, քանի որ լսել են` Զեյնալյանը Փաշինյանի հրահանգով մանդատը դնելու դիմաց ակնկալում է առողջապահության նախարարի պաշտոնը ստանալ։ Անգամ ԲԿ ԺՊ-ի անունն է շրջանառվում` Անեստեզիոլոգիայի եւ ինտենսիվ թերապիայի ամբիոնի վարիչ Սարգիս Ղազարյան»:
Առավել մանրամասն թերթի այսօրվա համարում