Հռոմի պապի առողջական վիճակը բարելավվում

Վատիկանում կիրակնօրյա պատարագը կարող է տարբերվել նախորդ կիրակի օրերից, և թարմացված տեղեկատվությունը կտրամադրվի շաբաթ օրը,  News.ru-ի փոխանցմամբ, ուրբաթ առավոտյան լրագրողներին է տեղեկացրել Սուրբ Աթոռի մամուլի գրասենյակը:

Հռոմի Ֆրանցիսկոս պապի առողջության մասին ճեպազրույցի ժամանակ մամուլի գրասենյակը հայտնել է, որ պոնտիֆիկոսը շարունակում է կլինիկական բարելավումներ ցուցադրել, այժմ նա ապաքինվում է Կասա Սանտա Մարտայի իր նստավայրում՝ բազմամանրէ վարակի պատճառով հոսպիտալացվելուց հետո, որը հանգեցրել էր կրկնակի թոքաբորբի:

Հռոմի պապը դուրս է գրվել Հռոմի «Ջեմելի» հիվանդանոցից կիրակի օրը՝ մարտի 23-ին:

Վատիկանի մամուլի ծառայությունը նշել է, որ Ֆրանցիսկոս պապի վիճակը շարունակում է բարելավվել շնչառության, շարժունակության և ձայնի առումով։ Արյան վերջին թեստերը նույնպես ցույց են տալիս նրա թոքերի վարակի հարցում աննշան բարելավումը:

Նա շարունակում է բուժումը, ինչպես նաև շարժունակությունն ապահովող վարժությունները և շնչառության հետ կապված ֆիզիոթերապևտիկ միջոցառումները։ Այժմ նրան ավելի քիչ  լրացուցիչ թթվածին է պահանջվում:

Ավելին, Ֆրանցիսկոս պապը շարունակում է իր աշխատանքը և լավ տրամադրություն ունի, հաղորդում է Վատիկանի մամուլի ծառայությունը։