Վիրաբույժները հաջողությամբ փոխպատվաստել են հիվանդի ակնագունդը և դեմքը

Գիտնականներն առաջին անգամ միաժամանակ փոխպատվաստել են մարդու աչքն ու դեմքը։ Թեեւ հիվանդի տեսողությունը հնարավոր չի եղել վերականգնել, սակայն աչքի արյան շրջանառությունը նորմալ է ստացվել։ Սա կարող է քայլ լինել դեպի ակնագնդի փոխպատվաստում՝ տեսողությունը վերականգնելու համար, նշել են JAMA ամսագրում հրապարակված զեկույցի հեղինակները: Փոխպատվաստումն իրականացրած վիրաբույժները հայտնել են, որ փոխպատվաստված ակնախնձորը մնում է կենսունակ: Հիվանդը մերժման ռեակցիա չի ունեցել, և ցանցաթաղանթի լույսին արձագանքելու ունակությունը պահպանվել է: «Չնայած վիրահատությունը ստացողին չի հաջողվել վերականգնել տեսողությունը, փոխպատվաստված աչքը պահպանել է նորմալ ճնշումը, լավ արյան հոսքը և ցանցաթաղանթի որոշ կառուցվածք և գործառույթ: Շատ փորձագետներ չէին կարծում, որ մենք նույնիսկ դրան կհասնենք, բայց մենք հաջողությամբ փոխպատվաստեցինք և պահպանեցինք աչքը՝ առանց իմունային մերժման: Հաջորդ մարտահրավերը հասկանալն է, թե ինչպես կարելի է վերականգնել տեսողությունը»,- ասել է վիրաբույժ Էդուարդո Դ. Ռոդրիգեսը: