Հունվարի 1-ին Սյունիքում 9 բալիկ է լույս աշխարհ եկել

Հունվարի 1-ին Սյունիքում 9 բալիկ է լույս աշխարհ եկել։ Այդ մասին NEWS.am-ին հայտնում են ՀՀ Սյունիքի մարզպետի աշխատակազմից։

Նշվում է, որ Սյունիքի մարզպետի տեղակալ Նարե Ղազարյանն այսօր մարզպետ Ռոբերտ Ղուկասյանի հանձնարարականով այցելել է Կապանի բժշկական կենտրոն ու շնորհավորել տարվա առաջին նորածինների ու իրենց մայրիկների Ամանորն ու Սուրբ ծնունդը։

«Նարե Ղուկասյանը մայրիկներին մաղթել է առողջ, խաղաղ մանկություն և արևշատություն»,- ասված է հաղորդագրության մեջ։

Մարզպետի անունից շնորհավորանք ու դրամական պարգև այսօր կստանան նաև մարզի մյուս ԲԿ-ներում 2025 թ. առաջին օրը ծնված սյունեցիները։

Նշենք, որ 2024 թվականին մարզում ծնվել է 1041 երեխա։