40-ամյա Ռոնալդուն կարիերայի 930-րդ և 931-րդ գոլերն է խփել

24timeam
1 day ago
1 min read

Սաուդյան Պրո լիգայի 26-րդ տուրի` «Ալ-Հիլալի» հետ խաղում խփած գոլը դարձել է 930-րդը «Ալ Նասրի» և Պորտուգալիայի հավաքականի 40-ամյա հարձակվող Կրիշտիանու Ռոնալդուի կարիերայում։ Պորտուգալացի ֆուտբոլիստը գոլի հեղինակ է դարձել 47-րդ րոպեին։

Ավելի ուշ՝ 88-րդ րոպեին, Ռոնալդուն դուբլի հեղինակ է դարձել՝ խփելով նաև 931-րդ գոլը։ Պորտուգալացին անվրեպ է իրացրել 11-մետրանոցը և ձևակերպել հանդիպման վերջնահաշիվը՝ 1։3։

Իր խաղային կարիերայի ընթացքում Ռոնալդուն ակումբային մակարդակով խփել է 794 գոլ, ևս 136 գոլ՝ Պորտուգալիայի հավաքականի կազմում։

Այս մրցաշրջանում հարձակվողը բոլոր մրցաշարերում մասնակցել է 34 հանդիպման, որոնցում դարձել է 29 գոլի և 4 գոլային փոխանցման հեղինակ։ Ֆուտբոլիստի ներկայիս աշխատանքային պայմանագիրն ակումբի հետ ուժի մեջ է մինչև 2025 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 12 միլիոն եվրո: