Մի քանի ԲԿ-ներում տնօրեններ կփոխվեն. Նարեկ Զեյնալյանն առաջադրվել է «Սուրբ Գրիգոր Լուսավորիչ» ԲԿ-ի տնօրենի պաշտոնում. Նախարար

 Ոչ միայն «Սուրբ Գրիգոր Լուսավորիչ» ԲԿ-ում, այլ նաև մի քանի ԲԿ-ներում առաջիկայում տնօրենների փոփոխություն է լինելու, լրագրողների հետ զրույցում հայտարարեց Առողջապահության նախարար Անահիտ Ավանեսյանը։

«Սա նորմալ ընթացք է, տնօրենների փոփոխությունը ևս մեր ընթացիկ գործունեության  մի մասն է։ Երեկ էլ մենք գտնվում էինք Ֆանարջյանի անվան ուռուցքաբանության ազգային կենտրոնում։ Կարծում եմ՝ այս երկու խոշոր ԲԿ-ների ղեկավարները մեծ ներդրում են ունեցել առոջղապահության ոլորտում՝ ձևավորելով լրիվ նոր ստանդարտներով, ենթակառուցվածքներով ԲԿ-ներ։ Կարծում եմ՝ եկել է ժամանակը լրիվ նոր էտապներով զարգացման ուղիներ գտնելու»։

 Ավանեսյանը հաստատեց՝ Նարեկ Զեյնալյանի թեկնածությունն առաջադրվել է «Սուրբ Գրիգոր Լուսավորիչ» ԲԿ-ի տնօրենի պաշտոնում։