Ռուսաստանի Դաշնության քրեական դատավարության օրենսգրքի 141-րդ հոդվածի 1-ին կետի համաձայն՝ ես հայտարարում եմ Ռուսաստանի Դաշնության Նախագահ Պուտինի կողմից կատարված հանցագործության մասին։ Այս մասին ասվում է «Committe-2024» ասոցիացիայի նախագահ Սերգեյ Անտոնովի հայտարարության մեջ, որը հրապարակվել է Telegram ալիքում։

«Երեկ Ռուսաստանի Դաշնության քաղաքացի Պուտինը, հանդես գալով որպես Ռուսաստանի Դաշնության նախագահ, հարցազրույց է տվել ամերիկացի լրագրող Կարլսոնին, որտեղ նացիզմի վերականգնմանն ուղղված տեղեկատվություն է տարածել։ Քաղաքացի Պուտինը, մասնավորապես, ասել է. «...լեհերը շատ տարվեցին և ստիպեցին Հիտլերին սկսել Երկրորդ համաշխարհային պատերազմը...», «.. ինչու պատերազմը սկսվեց 1939 թվականի սեպտեմբերի 1-ին, հենց Լեհաստանից դա տեղի ունեցավ. Հիտլերին այլ բան չէր մնում իր ծրագրերն իրականացնելու համար, քան Լեհաստանի դեմ պատերազմն էր»:

Հարցազրույցի տեսքով այս հայտարարությունները լայն տարածում գտան ԶԼՄ-ներում և սոցիալական ցանցերում։

Կարծում եմ, որ քաղաքացի Պուտինի գործողությունները պարունակում են Ռուսաստանի Դաշնության Քրեական օրենսգրքի 354.1-րդ հոդվածի 2-րդ մասի ա), գ) կետերով նախատեսված գործողություններ, այն է՝ նացիզմի վերականգնում, որը պաշտոնյայի կողմից իրականացվել է իր դիրքը և լրատվամիջոցներն օգտագործելով:

Խնդրում եմ՝ օրենքով սահմանված ժամկետում նրա նկատմամբ կատարել նախաքննական ստուգում և քրեական պատասխանատվության ենթարկել քաղաքացի Պուտինին»,- ասված է հաղորդագրության մեջ: