Մյունխենի «Բավարիան»՝ ի դեմս ակումբի գլխավոր տնօրեն Յան-Քրիստիան Դրեզենի, ինչպես նաև թիմի մարզական տնօրեն Քրիստոֆ Ֆրեյնդի, հայտարարություն է տարածել՝ կապված «Բարսելոնայում» մյունխենցիների գլխավոր մարզիչ Թոմաս Տուխելի հնարավոր նշանակման մասին խոսակցությունների հետ։

Հիշեցնենք՝ Չավին ավելի վաղ հայտարարել էր մրցաշրջանի ավարտին կատալոնացիների գլխավոր մարզչի պաշտոնից հեռանալու մասին։

«Մեր գլխավոր մարզիչ Թոմաս Տուխելին երկրպագուները կիրակի օրը ֆան-ակումբ կատարած այցի ժամանակ հարցրել են իր մարզչական կարիերայի և արտասահմանյան նախկին փորձի մասին ՊՍԺ-ի և «Չելսիի» հետ, և նա, իհարկե, այդ մասին տեղեկություն է տվել զրույցում։

Նա նաև պատասխանել է երկրպագուների ընդհանուր հարցերին Իսպանիայի մասին՝ որպես ֆուտբոլային երկիր։ Նա երբեք չի խոսել Չավի Էրնանդեսի և նրա իրավահաջորդի մասին, ինչպես հետագայում կեղծ հայտարարություններ են եղել: Մենք այլևս չենք ընդունի մեր մարզչի հասցեին ուղղված նման կողմնակալ հայտարարությունները, որոնք միշտ գալիս են նույն անկյունից»,- ասված է մյունխենյան ակումբի պաշտոնական հաղորդագրության մեջ:

Հիշեցնենք, որ ավելի վաղ «Բավարիայի» գլխավոր մարզիչ Թոմաս Տուխելը ասել էր, որ իսպանական ֆուտբոլի հսկաներից մեկի հետ աշխատելը կրկին կոգեշնչի իրեն։